---

واقف خطيب المنبر

فى الدين بيشرح لخوانه

قال بسم الله نبدى ونستعين

وعوذه من الوسواس وعوانه

الدين ساير مظهر

والعالم كلها خربانه

يا عالم يامجتمعين

اوصاف البنت الفهمانه

هيذى اكبر مصيبه

بيقولو عنها فنانه

ما حد بيدرى عن الجوهر

غير اللى التقوى عنوانه

البنت بتمشى وتتغندر

عدها فى لندن ربيانه

وبتسبغ شعرها احمر

وزواق الشنته مليانه

وعلى الجوال بتتمسخر

وتقول فى النمره غلطانه

وعى المسنجر تختفى وتظهر

  قالت من الدنيا قرفانه

وفى الشات بتشخط وتنثر

وتقضى الليله سهرانه

ودهى تكتب وتنشر

قصايد عشق وغرمانه

قلبهى رهيف وبتشعر

من دون البنات غويانه

وابوها ديمه بيتمهزر

على البنات السرحانه

وفى بنته بيمدح وبيشكر

ويقول بنيه غلبانه

الارنب تاكل عشاها

منكثر ما هى سهتانه

ولو طلعت برا ما تخبر

حتى درب  الدكانه
بقلمى ابو على ابن جرمى