يا عين ياللي انحرمتي شوف غالي

باله يا عين لا تبكي وبالدمع تكويني

والله يا عين ما غاب طيفه عن بالي

ولو مر عالفراق يا عين جملة سنيني

 طلتك فجر و نظرة عيونك شروق

و شوفة محياك بدري صباح الخير

انتي الاناقه والشموخ ورفعة الذوق

قمة الادب  فحسن السلوك والسير

بسمتك  شعاع يطفي لهيب الشوق

وشفاياك تمر وعن التمر الطعم غير

 يا مرحبه باللي شوفته بتزيد النظر كيف

ادعج العين اريش وما له فالجميلات زي

اهيف القد زريف وله فالحلا ماوصيف

كنها الريم غافيه في خميله تحت في

 ليه انت  بالذات .. لا  مريت في بالي

انسى جميع الناس و اسرح بطاريك !

انت ونيس  القلب لو  سرت منحالي

وبعدك علة القلب ودوى  الروح بيك

 الله يحي الشيخه كل ما حل طاري المزاين

تحية البدو بالسيل لا ادلج عصير في الوادي

تلاقينا صدفه ي الغصون و لا تعارفنا  للحين

وكاد المقادير يوم تجمع الذيب وريم البوادي

 لا تودر عمرك وانت تراقب الناس

عيش حياتك واترك للناس مرضها

ولاتقول هذا نيص وهداك نسناس

الكل حسب قدره بطولاته عرضها

هذى ابوه رباه على طبع قرناس

وهذاك النيا ماخذع منه غرضها

المرجله مثلها زي كليب وجساس

المل حسبى طبعه مراجله فرضها

 وقوانين العرف بتعرف حتن الطلايب

فالمقاعد الضيقه على بكارح الاجاويد

ماهي محاضرة قانون تنشرح للحبايب

و المحاضر  دكتور مختص نسا و توليد

خذ العلم الوافي وكاد من راس شايب

الشايب ال قضى عمره بين  المواعيد

شيخن انصقل بالفعل وسط  الصعايب

ما  هو مثل اللي جرعوه  العلم  بالديد

والرجل ال تلقاه من مقعد الحق هايب

خله  حتى لو قالو  عنه  ذيب  القراديد

لوكان باشه وفي مجلس الشعب نايب

مهما  ترجله بيضله  من الساس  خايب

حنى  لو كان مقعده بين تجار  البواريد

بقلمي ابو علي بن جرمي

 و الله يا فقر لربطك في مربط العير

واعلف علك شعير رغم مالنا شحيح

مشان تعرف ان كرمنا عن الناس غير

ناس بترتع ديس واحنا بنرتعك شيخ

 بـعض البشر تلقاه صدفه وتغليه

مـــحبه من الله نزلت على شانه

سبحـــان من جمله بعيون مغليه

تقـــول الله زاد فيه غلاه وحنانه

 يا مرحبه ترحيبة عذب الزاد بالملح

ترحيبة مشتاق و ضميان بل شوقه

ترحيبه غطت شعور البدوان والفلخ

وكلن يرحب بخله على حسب ذوقه

 0هيه يا سارق القلب مني على سهوه

انا عفت الهوى وقلبي انطفى سراجه

وانت خاطرك  مع ابوك نشرب القهوه

انكانك صادق ومع الشياب لك حاجه

ابشرك غزاني الشيب وماتت الشهوه

وقطر الشباب  ادبر وعاود دراجه

 المشكله حاشاك لو صار خصمك ضيخ

وحاول يجاريك خبث وانت ماجاريته

ان هاجمك  تفاخر  انه  مهاجم  الشيخ

و لن رديت  الهجوم  عله .انت ساويته

 صباح الخير يا وجه ذبحني وهج نوره

صباح يرد روح فارقت للجسد من ثاني

ب الهون يا رمش فتان طاغي حظوره

اشغل القلب بنظره ما فاتت عدة ثواني

 ما تنفع الحبه على راس متوفي

ان ما قدمتها عن حب وهو حي

تاخرت و اش ما قدمت ما يكفي

الموت مثل الخبيث مايداويه كي

 خلي المشاعر بين  الجوالي وسنابك

و ابشر يا  الغلا   ترى العمر  محدود

و لا  تضيع بالمناكفه  زهرة   شبابك

تري ملعب الهوى شيق المهم الصمود

 اخ يوم اني  تذكرت  الماضي  ونيت

وذكرت ايام لها فر راسي لذت شمام

ذكرت فلان  و لفلان بالحيل .حنيت

فز قلبي يومن ذكرته  و فاض الغرام

ليت العمر ثبت و لا رحت و لاجيت

 ليت الاماني في قلبي يوجزها الكلام

العمر كله اصبح ماضي لكني ما نسيت

لحظات اللقا فالسر وزهوة هذيك الايام

الراس شاب ولا عاد تنفع كلمة ياريت

وهن عزم الجسد وكني كسير العظام

كتبت هذي  الابيات  بلهفه  و ..تمنيت

انها تعود لكنها اصبحت . ادغاث احلام

 يا رب طالبك وانت راعي الجود

طلبة المغترب الي خاطره عوده 

طالبك يا مجري عابرات الحدود

و مرزق  الحوت و صغير الدوده

تحا السلام اللي به شعبنا موعود

يحل فالديار الي بها الروح مولوده

 ودنا نعلي المذراه والصليبه نمرحها

ونخلي السر الغامض الاعما يشوفه

في  ناس  هالايام  زايد علينا  بذخها

قل حياهم و ريحتهم سارت  مكروفه

خلينا  نطلع  من  كل  قبيله  وسخها

و نفرق بعلم  مابين الصف و اللفوفه

ونعد الجال ونسفط كل قيمه مطرحها

 حلفت عيني ما تشوف  جميلات

و نسيت اليمين يوم شفت عينك

لكن  الشيطان و النفس  مغويات

و ذحني ال الي سر بيني و بينك

 يا رب اني طالبك رزق ما نعلم بمسطره

 الدنيا  شحت و كسره   النفس  صعيبه

قفلت مل البيبان وغير بابك ما  نخبره

و انت  القادر  على كل صعبن ..تجيبه

 شتان  ما بين الحرير    و المسد

كثر ما بين  قمرنا.        والمريخ

الفرق مابين نومة الريح والسعد

مثل فرق لبش الحمضل والبطيخ

و المراجله ما هي بكثرة    العدد

ولا بيرد الوجع كثر       الصريخ

و عمرك لا تقول للجرو.     يافهد

بيكبر حيله وعارف ان ابوه ظيخ

و نادي  نب على الولد        ياولد

 وعمر صغية العرب ما صار شيخ

 بيسلم  عليكو  راعي البيوت الجميلات

دسمات  المعاني غزلها   بالطيبه وبناها

قوافي تصهل مثل الكحيله بين العبيات

زوبعة فكر  لو حمحمت و اعطت  قفاها

 ابن جرمي  راعي  القوافي ... الجزيلات

اللي  بطيب قوله  فحول  الشعر    تباها

موزنات  بحكمه و على الجهال ثقيلات

معاني دسمه اهل الذوق  تدرك   مداها

شبه الثريا تشعل بين النجوم البعيدات

صغيره ورغم  قلة عددها  بتنور سماعا

بقلمي ابو علي بن جرمي