صنو لماارسم ليكو عن الرجال صوره
واظحه للعين وضوح الشمس البعيده
فيهم قمر وظافي على الخلايق نوره
وقلبه على ربعه مثل الوديد على وديده
وفيهم ذكر بيطق من الراس شوره
يفداك بالروح والزرم يجري في وريده
بعظهم لو حظر له بين الرجال حظوره
ولو غاب عنهم طاريه يعتبر فقيده
وبعظهم حر بس الوقت ماعطاه دوره
قرناس بيعرف كيف يختار الطريده
وبعظهم سبع وقفاته للكل مخبوره
ما ببقوم ان ما حظر للميدان نديده
وبعظهم له وقفاته بين الزلم الجسوره
ذيب كاسر وتلقاه ودوم نظراته بعيده
وبعظهم ما فه من المراجل الا غروره
وماخذ مراجله عطيه من البيه سيده
وبعظهم عطعوط لا بغشك فه نفوره
خايب رايه دوم فيد المره ماهو فيده
وبعظهم صاقط وعينه دووم مكسوره
حظه من الفزعه غير مكر الثعل وكيده
وبعظهم فه غار الحس زي مشجع الكوره
باكل الكف ويقول خلي خلاقك حميده
ابو علي بن جرمي
