ازعجتني بصوتك يا ذيب و انته بتنيح
و كاد أن حالك ياديب من حالي قريبه
سمعت ونك وانت بروس ذيك المساريح
مدري انت مثلي قلقان ولا فاقدن لك ذيبه
ليتنا و انت رفايق فديار قومن مفاليح
ينطحو المقبل بالهلا و بزود ترحيبه
بديار قوم في رد النقا قروم و تلاتيح
القروم اللي خوالهم والعمام مابهم عيبه
ذعار صيتهم بين الملا مايحتاج توظيح
لوجا طاريهم فالمجاس له صوله عجيبه
رجال في الكرم اجود من هبة الريح
ذخر لربعهم تلقاهم في الأيام العصيبه
هذل ربعي ياذيب عندهم اركي واستريح
محشوم في ديارهم من الخطى و العيبه
رجال على ساس دونك على الموت بطيح
غوزتهم شمس الضحى ما يهابو المريبه
رجال تشب النار الفجر من فبل التسبيح
لعقب التعاليل للفجر والجمر بيقدح لهيبه
حطبهم من الراتم والغضى والعروب شيح
عاذر ومثنان وعجرم وسر وقيصوم وشيبه
بواطيهم الثريد بتزيح الشحم عنه زيح
والدسم على اللحم بيزيد الزاد لذه وطيبه
والنجر له نقراح ينده عالمعازيب و يصبح
ودلالهم ملي والبكرج في مقعدهم له هيبه
عريبين الجد والنسل ساس والمنبت مليح
نرابينن ذراري الازد اثر قحطان ناس اديبه
تمت وصلو على ولد عدنان بلسان فصيح
صلاه تشع لنا في يوم الأهوال فه عجيبه
بقلمي ابو علي بن جرمي
ليست هناك تعليقات:
إرسال تعليق