صديته

صديته ورديته واعطيته دش...وقلت له فى هرجك عيد التفكير

و شايف حاله اكبر من بش...كل اللى بيقوله صح و لازم يسير

لسانه طر  للكذب والغش... كل كذبه محظر ليها تبرير

زى جملنا بس وده يقش...ما بيفرق بين الرده والشعير

طفيلى  زى دود المش...اصله لبدى متخفى بعبات امير

عاقب ميه من تحت فش...دايخ لو شفته تحسابه ظرير

فايرس  تفشى وده رش...وتصعط وتكتر من صون الحمير

غراب سكن وتوطن العش...لازم على مثاله نعلن نفير

 تعالا زالبوص لاكنه هش...ما بينفع طبر ولا رواجح بير
بقلمى ابو على ابن جرمى