مقبل عليكو وقت منه يا ستار
الرجل فه كل الحرام ياطيه
وقت خلى يسير للوبش مقدار
و اجبرنا ظيق الوقت. ننتخيه
و بنقدره ونحطه بينا من الكبار
و فالمدن صارو بينادوه يا بيه
و. عندنا بيعينوه للعرب. مختار
ونكبره للاسف طويل العمر بناديه
و هو صاقط عديم الظمير غدار
ملعون ظالم نفسه و عاق والديه
بايع دينه حواس وللوطن سمسار
داسوي على ربعه وذنب لا اعاديه
قد ماتحصي فه من البلاوى والدمار
فعل يستحى الرجل العاقل يكحىه
سرنا نعتبر العري تقدم ونقلدالكفار
ونحترم راى المره وعالفور ونمشيه
ويمر عليكو من العيب وشى ما صار
شي عمر ما عقل العاقل يصدق بيه
وقت يخلي الحره تعشق الكومار
وتقضي ليلها على الشات بتلاغيه
ودنت نفسها من بعد العز للبشكار
وهى من راس خشمها كانت تحاكيه
والعفه من بيوت العرب ولت الادبار
والعرص فى روما خمر يقضي لياليه
ديوس عرض وعلى شرفه ما بيغار
والاصل أنا نشبه دياثة الخنزير بيه
والبنت تعرت وسارت فلبسها تحتار
وتفاخر وتقول كله من باريس تشريه
اليلوزه بدى شفاف و بعوجها كثار
٠ نص بطن و ثلثين الصدر ما تغطيه
و الشمله بكيني ظغط عبوبها صغار
على قد راس النهد يا دوب تذريه
والبكينى للحوير يا دوب بلام وعذار
يالكاد بوز العجله يا دوبه. متقيه
والفزون هلنكي خنق والمراكى كبار
شفاف خنق واظح كل اللى غاديه
لكن كل البلا قدامكنها يوم. تندار
زى مدار السارس. بكل ما فيه
الصحيح فى وصفها العاقل بيحتار
سحلب بارد بقرفه و العسل. مغطيه
تراقصت وكنها عارضه اغراء فى بزار
وردفها والخصر للجمهور بدلع تلويه
ادرى أبعدت ان قولى له معانى كثار.
ويا كثر الناس اللى ما تدرك معانيه
لاكنى والله على القول مجبر اجبار
خوفى من الجيار باكر يحاسبنيه
لاكن لزوم نصبر على الوقت لو جار
صبر المبتلى جور على كثر. بلاويه
و خلك زيبق مثل الصدى لا تحتار
الصدى بالصبر صلب الحديد يبليه
ما يوم. قلت ليكو انا قول الا وصار
قول الفتا لن قاله يا الربع وجب يعتنيه
وقولى صايب مثل الطلق حر لو ثار
.تاقب ما يحيد عن الهدف الا فيه
واختم كلامى للجميع بشديد الاعتذار
وخص للى تحسس خذ كلامى عليه
وصلاة ربى على نبينا اللى للدين منار
عداد ما حل في الصلاه ذكر. ربيه
بقلمى ابو على ابن جرمى
ليست هناك تعليقات:
إرسال تعليق