صلو على النبى يا ترابين

صلات دوم واحد يقول لثانى

قالو للقبيله مشاوخ ثنين

مانى عارف الاول حتى يقولو فيه ثانى

قالو فلان من القديمين

عامل الناس بلطف واحسانى

تعيين تركى وانتو عارفين

معاهد العثمان على تسليم الجانى

وماضى على تقسيم الترابين

كما سايكس بيكو فى تقسيم الاوطانى

سواهم رباع وخمسات مختلفين

عقب ما كانو سد فى وجه عدوانى

يتباهو ويتشاهو بفعلهم الشين

رمو العقل ولبسو طرابيش تركمانىى

وعدو حالهم شيوخ الترابين

وضنو الخلايق نسيت هذيك الازمانى

بيزيفو حقايق على النت قاعدين

خذو حذركو قاصى ودانى

وضحو الحقيقه ولاتقعدو ساكتين

وضحو الحقيقه لكل غفلانى

فى مواقع النت لابدين

تقول حصينيات فى قعر مثنانى

النت ديوان النصابين

شهادات كرفته وقلت اديانى

هذا قال انا من الترابين

وهذا قال اشهد انك كبير العربانى

القايل حسنه عند الترابين

والشاهد بيدعى انه تربانى

القايل والشاهد هد كذابين

واحد بيقنى للثانى

عشيره وحده كل الترلبين

حسبى الله على اللى فرقهم عربانى

وصلات ربى على سيد النبيين

سيدى محمد من نسل عدنانى

بفلمى ابو على بن جرمى